Google ADS

Hungaria mposht Serbinë, me një këmbë në “Euro 2024”

22:54 | 14 Tetor 2023
KRG

Hungaria arrin një fitore të madhe përballë Serbisë, teksa Italia dhe Danimarka bëjnë detyrën në shtëpi. Skuadra hungareze triumfoi 2-1 në një përballjë të “çmendur” në Budapest.

Ku nuk mungoi traversa, shtylla në dy raste, teksa VAR-i anuloi edhe dy gola të skuadrës udhëtuese në pjesën e dytë të takimit.

Varga dhe Sallai (eurogol) realizuan golat e fitores për Kombëtaren e drejtuar nga italiani Rosi. Sukses ky që e ngjit Hungarinë në krye të grupit G me 13 pikë.

Ndërkohë, serbët duhet të presin ende për të thyer Hungarinë në një ndeshje zyrtare. Nga ana tjetër, Italia mposhti 4-0 Maltën në Bari, falë golave të bukur të Bonaventurës, Berardit (2x) dhe Frattesit.

Feston edhe Danimarka, që triumfoi 3-1 kundër Kazakistanit. Ëind dhe Skov (2x) shënuan për skuadrën nordike, teksa golin e nderit për kazakët e realizoi Vorogovskiy./ss

Shpërndaje në rrjete sociale

Lajmet më të lexuara

Të ngjashme

Foto lajm